Një person ka ndërruar jetë në Sllatinë të Fushë Kosovës pasi është rrëzuar nga shkallët ku po punonte brenda një objekti, raporton Llapi.info
Rastin e ka konfirmuar edhe zëdhënësja e Policisë së Kosovës, Flora Ahmeti. Sipas saj, rasti është iniciuar si “vdekje e dyshimtë”.
“Viktima mashkull N.E. (1981), sot rreth orës 11:30 , gjatë kohës kur ishte duke punuar, dyshohet të ketë rënë nga shkallët nga një lartësi 4-5 metra dhe kishte pësuar lëndime të rënda trupore. I njëjti menjëherë është përcjellë në QKUK, ku nga ekipi mjekësor është konstatuar vdekja e tij”, ka deklaruar Ahmeti.
Me urdhër të prokurorit trupi i pajetë i viktimës është dërguar për obduksion në Institutin e Mjekësisë Ligjore, ndërkohë që me rastin po merren policia dhe institucionet e tjera përkatëse.
Ndërkaq, Llapi.info mëson se tashmë i ndjeri është 38-vjeçari nga fshati Siboci i Podujevës, Naim Emini./Llapi.info
![Image may contain: 1 person, food, close-up and outdoor](https://scontent.fprn3-1.fna.fbcdn.net/v/t1.0-9/61369681_831620147231552_5433974571151654912_n.jpg?_nc_cat=102&_nc_ht=scontent.fprn3-1.fna&oh=3533e510f3c7184444c29aa805ba70a2&oe=5D9245EC)