Ballina Lajmet “3-4 ditë rrugë, vetem një natë pushim”, flet djali i shoferit të...

“3-4 ditë rrugë, vetem një natë pushim”, flet djali i shoferit të vdekur në Slavonski Brod

25/07/2021

Radio Evropa e Lirë ka biseduar me djalin e shoferit të autobusit Deva Tours, i cili është raportuar se ka vdekur.

Adhurim Sylmetaj (i biri i Naser Sylmetajt), nga fshati Gërçinë në afërsi të Gjakovës, ka thënë se babai i tij ka rreth tetë muaj që ka filluar punën në këtë kompani.

“Janë nisur para 3-4 ditëve, edhe në momentin që kanë mbërri, menjëherë, veç atë mbrëmje kanë pushuar, dhe menjëherë të nesërmen në mëngjes rreth orës 09:00 janë nisur për në Kosovë”, tha Sylmetaj për Radion Evropa e Lirë.

“Herën e fundit kur kam folur me të ka qenë në momentin kur e kaluar kufirin Gjermani-Austri”, ka thënë Sylmetaj.

Shoferi tashmë i ndjerë kishte vozitur autobusin për disa orë. Aksidenti besohet se ka ndodhur pasi ai është ndërruar nga shoferi tjetër, i cili është intervistuar nga policia kroate.