Një stuhi shiu, breshëri dhe shkarkim rrufeshë ka përfshirë Podujevën këtë pasdite, raporton Llapi.info.
Në pamjet që ka siguruar Llapi.info, shihet edhe madhësia e kokrrës së breshërit në disa anë të Llapit. Edhe Instituti Hidrometeorologjik i Kosovës (IHMK) ka paralajmëruar se sot do të ketë reshje shiu dhe shkarkime rrufeshë. Si zakonisht, disa rrugës të qytetit janë pushtuar nga uji.
“Pas këtyre temperaturave të larta të cilat mbretëruan mbi vendin tonë, moti do të pësoj ndryshime pothuaj në gjithë parametrat meteorologjik. Përpos rrezeve të diellit gjatë ditës parashihen vranësira të dendura të cilat do të shoqërohen me riga shiu dhe shkarkime rrufesh. Ekziston rreziku që në disa vende të bie breshër. Kjo situatë parashihet për shkak se në fusha termike ditëve të fundit patëm temperatura të larta dhe këto ndryshime fizike që parashihen të ndodhin në Troposferë mund të jenë të shpejta duke krijuar një mot me stuhi. Temperaturat minimale do të lëvizin ndërmjet 17-18 gradë Celsius, ndërsa maksimalet e ditës parashihen të lëvizin ndërmjet 27-31 gradë Celsius. Do të fryjë erë kryesisht nga juglindja e lehtë dhe lokalisht e fortë”, thuhet në njoftimin e IHMK-së./Llapi.info
Pamjet e siguruara nga Llapi.info:
