6 persona kanë mbetur të lënduar në një aksident trafiku sot rreth orës 8:00 të mëngjesit në magjistralen Podujevë- Prishtinë, përkatësisht në fshatin Gllamnik.
Lajmin për Llapi.info e ka konfirmuar edhe mjeku kujdestar në Emergjencën e Podujevës i cili tha se të gjithë të lënduarit kanë marrë lëndime në kokë.
“6 persona janë të lënduar dhe të gjithë kanë lëndime në kokë. 4 nga janë dërguar në QKUK në Prishtinë kurse, 2 prej tyre janë dërguar në shtëpi. Të gjithë janë jashtë rrezikut për jetë”, tha mjeku kujdestar.
Siç shihet edhe në fotografi dhe video të dërguara nga lexues të Llapi.info në këtë aksident janë përfshirë tri vetura./Llapi.info
