Një aksident trafiku ka ndodhur sot rreth orës 20:10 në fshatin Sfeqël të komunës së Podujevës, ku si pasojë janë lënduar 8 persona, njofton Llapi.info.
Lajmin për portalin Llapi.info e ka konfirmuar Komandanti i Stacionit Policor në Podujevë, Bekim Bislimi, i cili tha se nga ky aksident janë lënduar 8 persona.
“Në orën 20:10 është raportuar për një aksident trafiku mes dy veturave në fshatin Sfeqël me ç’rast lëndime kanë marr 8 persona.”- tha Bislimi për Llapi.info.
Llapi.info ka kontaktuar edhe me Qendrën Emergjente në Podujevë, ku mjeku kujdestar tha se të gjithë të lënduarit janë dërguar në Qendrën Klinike Universitare të Kosovës (QKUK) në Prishtinë.
Ndërsa, me rastin do të vazhdojnë të merren njësitet rajonale të trafikut./Llapi.info
