Banka Private e Biznesit (BpB) e cila gjendet në rrugën “Zahir Pajaziti” në Podujevë është plaçkitur sot në orët e hershme të mëngjesit, njofton Llapi.info.
Lajmin për portalin Llapi.info e ka konfirmuar Komandanti i Stacionit Policor në Podujevë, Bekim Bislimi, i cili ndër të tjera tha se njësitet relevante janë në vendin e ngjarjes.
“Rreth orës 8:45 kemi pranuar një informatë se në orët e hershme të mëngjesit, rreth orës 4:32 është dëmtuar Banka Private e Biznesit. Njësitet relevante janë në vendin e ngjarjes mirëpo akoma nuk mund të themi saktë sa është vlera e dëmit të shkaktuar” tha Bislimi për Llapi.info.
Të dhënat për vlerën e dëmit të shkaktuar Bislimi tha se mund të bëhen të ditura më vonë pas kontaktit me pronarin e kësaj banke./Llapi.info
