Lidhja Demokratike e Kosovës- Dega në Podujevë sot ka përzgjedhur kryetaren e Forumit të Gruas në këtë komunë, njofton Llapi.info.
Këtë e ka bërë të ditur kryetari i Komunës së Podujevës, Agim Veliu përmes një postimi në rrjetin e tij social “facebook”.
Ai ka shkruar se kryetare e këtij forumi që nga sot do të jetë Florie Besholli.
“Lidhja Demokratike e Kosovës – Dega në Podujevë, sot me sukses të plotë përmbylli edhe një proces të rëndësishëm, Kuvendin Zgjedhor të Forumit të Gruas”, ka shkruar Veliu.
“Kuvendi zgjodhi kryetare znj. Florie Besholli, Kryesinë e degës dhe delegatët për Kuvendin Qendror të LDK-së. Strukturave të reja u premtova mbështetje të plotë për të punuar së bashku në fuqizimin e mëtejmë të LDKsë në Podujevë”, ka përfunduar ai.
Kujtojmë se Florie Besholli mban edhe postin drejtoreshës së Inspeksionit të Komunës së Podujevës./Llapi.info
