Dy granata dore janë gjetur nga Policia e Kosovës në mëngjesin e të dielës në një autolarje në qytetin e Podujevës, njofton Llapi.info.
Sipas policisë, një person ka informuar se në autolarjen e tij ka gjetur një qese në të cilën kanë qenë të vendosura dy granata dore.
Në vendin e ngjarjes kanë dalë njësia për dominim e FKS- së dhe KFOR- it dhe kanë larguar mjetet shpërthyese pa ndonjë incident. Vendin e ngjarjes e kanë siguruar njësitet policore./Llapi.info
