Sot dhe nesër do të vazhdoj java e 16-të e Vala Superligës së Kosovës në futboll.
Ditën e sotme do të jenë në program dy ndeshje, ndërsa nesër do të zhvillohen ndeshjet e mbetura të kësaj xhiroje, njofton Llapi.info.
Llapi i cili është duke kërkuar kreun e tabelës, nesër do të udhëtoj për në Prizren me synimin e rrëmbimit të tri pikëve të plota.
Në ora 13:00 stadiumi “Përparim Thaçi” në Prizren do të jetë arena ku Liria si vendase do të pres Llapin në formë të shkëlqyer të Batatinës.
Llapi gjendet në vendin e 4- të tabelës me 32 pikë, aq sa ka edhe Feronikeli në vendin e 3-të i cili ka një ndeshje më shumë të zhvilluar. Kurse, Liria ka 19 pikë dhe mbanë pozitën e 6-të të Vala Superligës së Kosovës.
Gjyqtarë të këtij takimi do të jenë: B.Gashi, A.Peshteri, V.Kelemendi, B.Jahmurataj./Llapi.info
