Imami i Xhamisë së madhe në Podujevë, Mulla Idriz Billalli sot gjatë hytbes së xhumasë ka kërkuar nga xhemati i xhamisë ndihmë financiare për të instaluar ngrohje brenda xhamisë, shkruan Llapi.info.
Kjo pasi që xhamia e madhe në Podujevë që një kohë të gjatë nuk ka sistem të ngrohjes.
Mulla Idriz Billalli ka bërë me dije se ka kontaktuar me një kompani të Podujevës e cila instalon këtë lloj të nxehjes, me të cilët kanë bërë matjen e hapësirës, të cilët menjëherë pas mbledhjes së fondeve do të fillojnë instalimin e ngrohjes.
Gjithë ata që shprehin dëshirë për të ndihmuar, Idrizi ka thënë se mund ta bëjnë edhe në zyrat e xhamisë.
Çmimi i instalimit të ngrohjes nuk është bërë i ditur./Llapi.info
