Kryetari i Komunës së Podujevës, Agim Veliu ka pritur sot në një takim kryetarin e Komunës së Gaillard dhe nënkryetar i këshillit për 12 komuna Annemasse me rrethinë dhe Këshillit Regjional Auvergne Rhône-Alpes në Francë, Jean Paul Bosland, transmeton Llapi.info.
Këtë e ka bërë të ditur Veliu përmes një postimi në Facebook i cili ka shkruar se “me kryetarin Bosland biseduam për mundësitë e bashkëpunimit mes qyteteve tona, ndërsa ai me theks të veçantë shprehu gatishmërinë ta ndihmojë komunën tonë në fushën e emergjencave dhe Brigadën e Zjarrfikësve”
“Pjesë e delegacionit ishin edhe z.Tahir Shabani kryetar i Shoqatës së Miqësisë Franko-Shqiptare, z. Sigfrido Lezzi dhe Christophe Piguet arkitektët të cilët po punojnë bashkërisht me stafin tonë për harimin e projektit për rregullimin e Qendrës së Qytetit të Podujevës” ka shkruar Veliu./Llapi.info
