Art (Isak) Curri, 4 vjeç, i cili dje u aksidentua për vdekje nga një veturë në fshatin Llugë të Podujevës do të varroset sot në varrezat e fshatit në ora 15:00, shkruan Llapi.info.
Këtë e ka bërë të ditur një kushëri i prindit të 4 vjeçarit përmes një statusi në Facebook i cili ka shkruar se “Arti (06.11.2012 – 29.03.2017) do të varroset sot më 30. 03. 2017 në ora 15:00 te varrezat, te mali, tek kthesa”.
Art Curri është aksidentuar dje rreth orës 18:04 minuta në fshatin Llugë nga një veturë në lëvizje e tipit “Fiat”.
Personi i cili ka qenë duke drejtuar automjetin sipas zëdhënëses në stacionin policor në Podujevë, Antigona Çitaku, është vetëdorzëar në polici dhe tashmë është nën përkujdesjen e tyre./Llapi.info
