Një vjedhje e rëndë ka ndodhur dje në njërën nga shtëpitë në rrugën “Dëshmorët” në Podujevë, ku është vjedhur ari në vlerë prej 20 mijë euro, njofton policia e rajonit të Podujevës.
Vjedhësi ende nuk është gjetur. Policia po vazhdon hetimet.
Në raportin e policisë në 24 orët e fundit në Podujevë ka ndodhur edhe një rrahje mes fqinjëve në fshatin Llugë të Podujevës. Njëri prej personave ka marrur lëndime të lehta trupore. Sipas policisë, të dyshuarit ende nuk janë intervistuar nga policia.
Po ashtu, në 24 orët e fundit në Podujevë ka ndodhur edhe një aksident në rrugën “Zahir Pajaziti”, ku një vetur në parking është goditur nga një vetur tjetër e cila ka ikur nga vendi i ngjarjes.
Numri i tiketave të shqiptuara është 15 tiketa, ndërsa, 5 urdhëresa të gjykatës janë realizuar./Llapi.info
