Kryetari i komunës së Podujevës, Agim Veliu sot ka vizituar stadiumin e qytetit “Zahir Pajaziti”, njofton Llapi.info
Në rrjetin social facebook, Veliu tha se me finalizimin e investimeve KF Llapit po i krijohen kushtet për zhvillimin e lojërave cilësore.
“Sot vizitova Stadiumin “Zahir Pajaziti” në Podujevë, ku po zhvillohen punimet në ndërtimin e tribunave dhe infrastrukturës përcjellëse. Me finalizimin e investimeve FC “Llapi” po i krijohen kushte për zhvillimin e lojërave cilësore, ndërsa stadiumi po merr pamjen e një objekti modern sportiv, i cili shikuesve do t’iu ofrojnë komoditet në përcjelljen e ndeshjeve”, ka shkruar Veliu./Llapi.info
