Presidenti i Serbisë, Aleksander Vuçiq, ka tentuar t’i kundërpërgjigjet ish-presidentit kroat, Stipe Mesiq, i cili bëri shqiponjën me duart e tij, gjest ky i përdorur edhe nga dy futbollistët shqiptarë, Granit Xhaka dhe Xherdan Shaqiri, në ndeshjen kundër Serbisë.
“Është e vërtetë, ata të gjithë bashkohen në urrejtje, por gjithsesi që unë nuk kam nevojë t’i përgjigjem kësaj”, u shpreh Vuçiq.
E në mënyrën e vet, Vuçiq e vazhdoi kundërpërgjigjen ndaj Stipe Mesiç.
“Veprimet e tyre flasin për ta e jo për ne, ne duhet të shohim se si të shkojmë përpara, të zhvillohemi. Urrejtja vret atë që urren, jo atë që është objekt i urrejtjes”, u shpreh Vuçiq.
E jo vetëm Vuçiq ishte i prekur nga ky veprim i Stipe Mesiçit. Mediat serbe dje gjatë tërë ditës e kanë shpërndarë fotografinë ku shihet ish-presidenti kroat që bën shqiponjën me duart e tij.
