Autostrada “Arbën Xhaferi” e cila pritet të përfundojë brenda këtij viti ka edhe urën që është më e larta dhe e gjata në Ballkan dhe që jep mundësi qytetarëve që të shohin edhe bukuritë që i ka Gryka e Kaçanikut dhe lumi Lepenc deri në Han të Elezit.
Nga Gryka e Kaçanikut e deri në Han të Elezit, autostrada do të jetë e ndërtuar nga urat gjigante që çdo ditë po i japin pamje të veçantë, raporton RTKlive.
Ndryshe Autostrada “Arbën Xhaferi”, do t’i kushtojë buxhetit të Kosovës, mbi 600 milionë euro.
Ura më e gjatë në Kaçanik do të jetë rreth 7 kilometra dhe konsiderohet se është ura më e gjatë në rajonin ballkanik.
