Drejtori i Zyrës për Kosovën në Qeverinë e Serbisë, Marko Gjuriq, ka deklaruar se sulmet ndaj serbëve që kthehen në Kosovë janë anti-civilizuese dhe rezultat i mosndëshkimit të sulmeve të përsëritura të armatosura kundër serbëve, shkruan gazeta serbe Blic, njofton Klan Kosova.
Ai ka kërkuar nga bashkësia ndërkombëtare në Kosovë që të bëjë më shumë në këtë drejtim dhe të hetojë rastet e tilla.
Pasi, sipas Gjuriq, organet e Kosovës nuk kanë vullnet për të mbrojtur serbët.
Gjuriq po i referohej një rasti që mediat serbe raportojnë se ka ndodhur mbrmë vonë në një fshat në Istog.
