Kryetari i Komunës së Podujevës, Agim Veliu ka uruar sot fillimin e vitit të ri shkollor, njofton Llapi.info.
Në veçanti, Veliu përmes një statusi në “Facebook” ka uruar nxënësit të cilët për herë të parë ulen në bankat shkollore.
“Urimet më të mira me rastin e fillimit të vitit të ri shkollor. Një urim i veçantë për fëmijët, të cilët sot për herë të parë ulen në bankat shkollore. Me dëshirën që të kemi një vit shkollor të mbarë e të suksesshëm, shpreh përkushtimin tim dhe të qeverisë komunale për angazhim maksimal në favor të ngritjes edhe të mëtejme të cilësisë në arsim.
Gjithashtu, do të vazhdojmë me investime edhe në infrastrukturën shkollore, si parakusht themelor për arritje të cilësisë”, ka shkruar Veliu./Llapi.info
