Delegacioni nga qyteti Velbert i Gjermanisë po qëndron për vizitë në Komunën e Podujevës, njofton Llapi.info
Sikurse dje edhe sot gjermanët të prirë nga i pari i Podujevës, Agim Veliu, kanë vizituar fermerë e biznese të ndryshme që operojnë në Podujevë.
Mysafirët nga Gjermania nuk u lëshuan duarthatë nga një 94 vjeçare e cila dhuroj disa dhurata modeste gjermanëve. Këtë e ka bërë të ditur përmes një postimi në ‘Facebook’ kryetari i Podujevës, Agim Veliu.
“E falenderoj loken Hasë për dhuratat që na bëri mua dhe miqve nga Velberti.
Ajo edhe pse në moshën 94 vjeçare gëzon shëndet të mirë dhe dhuratat ishin përgatitur nga duart e saj!”, ka shkruar Veliu./Llapi.info
