Presidenti i Kosovës, Hashim Thaçi ka takuar në New York të SHBA-së, presidenten e Kroacisë, Kolinda Grabar Kitaroviq.
Në këtë takim, siç raporton Vecernji.hr, mes Thaçit dhe Kitaroviq është disktuuar edhe për të shumëpërfolurin ndryshim të kufijve në Ballkan, përcjell Klan Kosova.
“Ishte interesant takimi me Presidentin e Kosovës, Thaçi rreth marrëdhënieve mes Beogradit dhe Prishtinës dhe asaj që është dëgjuar së fundmi – ndryshimit të mundshëm të territoreve”, është shprehur Kitaroviq.
“Ne jemi tejet të kujdesshëm dhe kemi përcjell argumentet tona se fakti i principeve të Komisionit të Badinterit rreth kufijve territorial në ish Jugosllavi duhet të mbetet i gdhendur në gurë”, ka shtuar ajo.
