Llapi i shkon sot Gjilanit në kuadër të xhiros së 21-të në elitën e futbollit kosovar, njofton Llapi.info
Ndeshja luhet prej orës 13:30 në stadiumin “Agim Ramadani”. Për të luftuar për titull kampion, klubit nga Podujeva i duhen medoemos tre pikët në këtë sfidë.
Llapi në këtë ndeshje hyn pas fitores minimale ndaj Prishtinës në ‘Zahir Pajaziti’, teksa Gjilani barazoi 1 me 1 me Lirinë e Prizrenit.
Pas 21 javëve, llapjanët gjenden në pozitën e tretë me 41 pikë të tubuara, ndërsa Gjilani me 29 sosh radhitet në pozitën e pestë.
Në ndeshjen e parë, Llapi në ‘Zahir Pajaziti’ e kishte mposhtur Gjilanin me rezultat 3-1./Llapi.info
