Një aksident i rëndë trafiku ka ndodhur këtë mbrëmje rreth orës 21:00 në magjistralen Prishtinë – Podujevë, konkretisht afër fshatit Shakovicë, raporton Llapi.info
Në këtë aksident, nga përplasja mes katër automjeteve kanë mbetur tre persona të lënduar, ndërsa dy prej tyre janë dërguar për tretman mjekësor në QKUK.
Rastin për Llapi.info e kanë konfirmuar edhe nga Emergjenca e Podujevës.
“Nga aksidenti në fjalë kanë mbetur të lënduar tre persona, dy prej tyre janë dërguar me ambulancë në QKUK, ndërsa njëri kishte lëndime të lehta. Për detaje tjera mund t’i merrni më vonë”, kanë thënë nga Emergjenca.
Ndërkohë, aksidentet përgjatë kësaj magjistraleje kohët e fundit janë shtuar dukshëm.
Policia ka dalë në vendin e ngjarjes për të hetuar shkakun e aksidentit./Llapi.info
