Kryetari i Komunës së Podujevës dhe nënkryetari i LDK-së, Agim Veliu, në deklarimin e pasurisë nuk ka treguar sa është vlera e shtëpisë, e banesës, truallit dhe e tokës së trashëguar, njofton Llapi.info
Veliu në deklarimin e pasurisë që ai ka bërë në Agjencinë Kundër Korrupsion, ka treguar se ka 73 ari tokë të trashëguar, por vlerën e saj e ka llogaritur me zero.
Njëjtë ka vepruar edhe me shtëpinë për të cilën ka deklaruar se e ka që nga viti 1990, por që nuk ka treguar sa është sipërfaqja e saj si dhe vlerën po ashtu zero.
I pari i Podujevës ka deklaruar se e ka blerë një banesë në vitin 2008, por që vlera e saj, sipas deklarimit, është zero.
Veliu ka deklaruar se ka blerë 10 ari truall në vitin 2015, por që vlera e saj është zero sipas deklarimit të tij.
Kurse, sipas deklarimit, Veliu ka blerë truall në kohëzgjatje për 5 vite në vlerë prej 25 mijë eurove.
Kreu i Podujevës, ka deklaruar se para të gatshme në banka ka rreth 19.000 euro të kursyera, ndërsa paga mujore e tij në Komunën e Podujevës është 1.187.82./Llapi.info
