Kreu i Podujevës, Agim Veliu, ka kujtuar legjendën e Futbollit Kosovar, Fadil Vokrri, në 1 vjetorin e vdekjes së tij, njofton Llapi.info
Veliu përmes një postimi në Facebook, ka shtuar se kujtimi për Vokrrin do të jetë i përjetshëm.
“Një vit pa njeriun e madh dhe ikonën e futbollit shqiptar, mikun tim Fadil Vokrri. Legjendat shkojnë në amshim për t’u përjetësuar në mendjet dhe zemrat e secilit prej nesh. I përjetshëm kujtimi për Fadilin, njeriun që bëri dhe i dha shumë Kosovës”, ka shkruar Veliu.
