OJQ “Sundimi i Demokracisë në Kosovë”, sot ka organizuar aksionin e pastrimit përreth liqenit të Batllavës në Orllan, njofton Llapi.info.
Këtij aksioni iu bashkuan rreth 40 pjesëmarrës, kryesisht të rinj dhe në veçanti banorët e fshatit Orllan, të cilët arritën të pastrojnë tërë sipërfaqen e shtratit të liqenit, i cili aktualisht ka mbetur pa ujë.
Njëkohësisht, aksioni i pastrimit është zhvilluar edhe brenda liqenit, ku për mes përdorimit të barkave është mundësuar të realizohet pastrimi. Nga ky aksion janë mbledhur më shumë se 200 thasë me mbeturina, të cilat janë larguar nga shtrati i liqenit.
Ky aktivitet është organizuar në kuadër të projektit “Aktivizimi qytetarë dhe institucional në përmirësimin e gjendjes së mjedisit për ujë cilësor”, projekt ky i cili mbështetet nga Ministria e Mjedisit dhe Planifikimit Hapësinor dhe implementohet nga OJQ SDK ./Llapi.info
