Drejtoria e Arsimit në Komunën e Podujevës sot ka hapur konkursin për aplikim e semimaturantëve në shkollat e mesme të Podujevës. Konkursi është hapur për tri shkollat e mesme të Podujevës: Shkollën e Mesme Ekonomike “Isa Boletini”, Shkollën e Mesme Teknike “Fan S. Noli”, dhe Gjimnazin “Aleksandër Xhuvani”.
Kushtet që një kandidatë duhet të plotësoj në rastin e aplikimit është që të ketë të përfunduar arsimin e obligueshëm dhe të mos jetë me i vjetër se 17 vjeç.
Ndërsa, dokumentet e nevojshme për konkurrim janë:
Fletëparaqitja ( e cila merret në shkollën në të cilën konkurron);
Dëftesën origjinale për kryerjen e shkollës së mesme të ulët (6-9) dhe
Çertifikatën e lindjes.
Konkursi është i hapur deri më datën 22 qershor në ora 16:00.
Rezultatet për pranimin e nxënësve shpallen në shkollat përkatëse me datën 23 qershor 2015.
Lidhur me numrin e nxënësve që do të pranohen dhe drejtimet përkatëse, shikoni fotot më poshtë./Llapi.info
