Me vetëm një kërkesë të thjeshtë, secili qytetar mund të blejë në barnatore, Ranital apo Ranitidine ose Zantac. Ku ilaç i ka tre emra si dhe përdoret nga qytetarët, të cilët ndiejnë dhembje të stomakut si dhe të lukthit kryesisht. I njëjti në të shumtën e rasteve merret nga ana e kosovarëve pa recetë të mjekut. Por, përdorimi i tij mund tash e tutje mund të çojë në pasoja të rrezikshme për shëndetin. Madje në disa shtete të Evropës, Ranitidini, në formë tablete doza 150 mg ose 300 mg, është hequr tërësisht nga përdorimi. Por, nga AKPPM – Agjencia e Kosovës për Produkte dhe Pajisje Medicinale ende nuk kanë dhënë ndonjë informatë nëse do të ndalohet ky ilaç edhe në Kosovë.
Tabletat Ranital apo Ranitidine ose Zantac, tableta këto të cilat prodhohen nga kompania prodhuese NOVARTIS, po tërhiqen nga tregu farmaceutik evropian, pas alarmit të dhënë nga Agjencia Evropiane e barnave në kërkesë të Komisionit Evropian. Kjo pasi që nga testet e bëra nga ana e EMA’së këto produkte po përmbajnë papastërti të quajtur N-nitrosodimethylamine (NDMA).
NDMA klasifikohet si një përbërës kancerogjen i mundshëm njerëzor, substancë kjo që mund të shkaktojë kancerin, në bazë të studimeve që janë bërë të kafshët.
Por ky lloj ilaçi në Kosovë ende po vazhdon të merret lehtësisht. Madje edhe pa recetë të mjekut.
Gazeta Express ka kontaktuar disa barnatore në kryeqytet. Në tri nga to lehtësisht mund të furnizohej secili me këtë lloj të ilaçit.
“Po i kemi. Mund të merrni sa të doni”, i tha njëri nga punëtorët e njërës nga barnatoret.
Ndërkohë, gazeta ka më shumë se tre ditë që ka dërguar pyetje në Ministrinë e Shëndetësisë për të marrë ndonjë përgjigje rreth kësaj çështjeje, mirë nuk ka marrë përgjigje. Por, zyrtarë nga Agjencia e Kosovës për Produkte dhe Pajisje Medicinale janë mjaftuar me një njoftim duke thënë se EMA do të shqyrtojë barnat e ranitidinës pas detektimit të bërë nga NDMA-së
“Me kërkesë të Komisionit Europian, EMA do të fillojë një shqyrtim të barnave ranitidinë pasi testet treguan se disa nga këto produkte përmbajnë̈ një papastërti të quajtur N- nitrozodimetilaminë (NDMA).”, thuhet në njoftimin e AKPPM’së.
Sipas AKPPM’së, EMA është duke vlerësuar të dhënat për të vlerësuar nëse pacientët që përdorin ranitidinë kanë ndonjë̈ rrezik nga NDMA dhe do të sigurojë informacione rreth kësaj sa më shpejt që të jenë në dispozicion.
Sipas Agjencia Evropiane të barnave, qytetarët që janë duke ndjekur një terapi mjekimi me ranitidin, duhet të kontaktojnë mjekun gastroheopatolog, para se ta ndërpresin mjekimin, në mënyrë që mjekimi të mund të zëvendësohet me një bar alternativ.
