Shfaqja e filmit dokumentar “The Weight of Chains 3”- “Pesha e zinxhirëve 3”, që sipas regjisorit serb, paraqet mënyra aktuale me të cilat mund të rebelohemi kundër padrejtësive të sistemit në të cilin jetojmë”, nuk është pritur aspak mirë nga shqiptarët e Amerikës, të cilët për afro dy orë protestuan fuqishëm para kinemasë SVA, në qendër të Nju Jorkut.
Dokumentari në fjalë zgjatë 54 minuta dhe është realizuar në shtator të vitit të kaluar. Për filmin dokumentar patën reaguar edhe autoritet e Kosovës – që e dënuan një dokumentar të tillë ku Kosova, paraqitet me një imazh të keq.
Ndërsa, reagimi Presidentit të Serbisë, Aleksander Vuqiq, shefit te diplomacisë Ivica Daçiq, dhe reagimi i Marko Gjuriq – Drejtorit të Zyrës për Kosovën – për këtë film dokumentar është ai që ata e mbështetin filmin dhe realizimin e tij, deri edhe financiarisht, pra me para për propagandë serbe, transmeton reporteri.
Kurse, sot në mbrëmje, dhjetra forca të policisë njujorkeze,nga NYPD, rrethuan dy anët e rrugës përballë kinemasë SVA- e cila ndodhet në rrugën 23-Street, në Mahattan – NYC, duke vendosur barrikada dhe bënë thirrje me megafonë për qetësi, në kohen që në Kinemanë SVA po shfaqej filmi “The Weight of Chains 3”- “Pesha e zinxhirëve 3”, i regjisorit serb .
Situata në ketë proteste disa orëshe, nisi të tensionohet, kur një pjesëtar i stafit të regjisorit serb, arriti të provokojë rëndë shqiptarët.
