Nga hetuesit policor të Njësitit të Hetimeve të Përgjithshme në Prishtinë, sot janë arrestuar dy persona, për të cilët egziston dyshimi i arsyeshëm të jenë të përfshirë në një rast të vjedhjes së rëndë.
Policia njofton se rasti ka ndodhur me datën 12.11.2019 në lagjen Emshir në Prishtinë, saktësisht në një dyqan, ku janë vjedhur pajisje medicinale në vlerë 40.000 euro.
Personat e dyshuar pas arrestimit me autorizim të prokurorit janë dërguar në mbajtje, ndërkohë që hetuesit policor po punojnë në kapjen e personit të tretë të dyshuar, i cili është identifikuar nga ana e policisë dhe aktualisht ndodhet në arrati.
Hetuesit policor në kuadër të ketij aksioni, kanë kryer tri bastisje në tri lokacione ku ka gjetur dhe sekuestruar një numer të madh të pajisjeve medicinale, 1 karikator, të armes AK 47, 76 fishekë etj.
Ky operacion është kryer në koordinim me prokurorinë përkatëse dhe gjyqtarin e procedurës paraprake.
