Një aksident trafiku ka ndodhur rreth orës 19:00 në magjistralen Prishtinë – Podujevë, përkatësisht në fshatin Lluzhan, raporton Llapi.info.
Sipas dëshmitarëve të cilët edhe kanë dërguar pamje në Llapi.info, në këtë aksident janë përfshirë dy vetura, ku përveç dëmeve të pakta materiale nuk raportohet për të lënduar.
Duhet theksuar se po ashtu një tjetër aksident ka ndodhur sonte në fshatin Dumnicë të kësaj Komune, me ç’rast një person pësoi lëndime të lehta.
Sipas statistikave të Policisë së Kosovës, vetëm gjatë ditës së djeshme në nivel vendi kanë ndodhur 57 aksidente trafiku, prej tyre 26 me të lënduar./Llapi.info
