Kuba raporton se me fushatën e saj të fundit të “diplomacisë mjekësore” në luftën kundër pandemisë së Covid-19, ka shpërndarë më shumë se 36 000 personel mjekësor, në më shumë se 60 shtete.
Një nga vlerësimet e veçanta të përmendura ishin ato të qeverisë se Andorrës, vendi i vogël në kufirin Francë-Spanjë.
Minsitrja e jashtme e Andorras, Maria Ubach tha për mediat: “Unë jam në dijeni të opinionit të Shteteve të Bashkuara por ne jemi një vend sovran dhe i zgjedhim vetë partnerët me të cilët të bashkëpunojmë”.
Vendi komunist me 11 milionë banorë ka shpërndarë shume ekipe mjekësore në vendet mike.
Mjekët e brigadës kubane Henry Reeve kishin marrë pjesë më parë në luftën kundër epidemisë së Ebola në Afrikën perndimore në 2014, ndërsa për COVID-19 ata thonë se është më shumë një problem politik sesa mjekësor./TCH
