Ndihmat që mblodhën dje pas namazit të xhumas, xhemati i Xhamisë së Vjetër në Podujevë arrijnë vlerën në 5.000 euro. Një gjë të tillë për llapi.info e ka bërë të ditur imami i kësaj xhamie, Imri Llugaliu.
“Elhamdulilah që xhemati sot iu përgjigj shumë pozitivisht kërkesës tonë dhe vërtet janë mbledhur afër 5.000 euro gjëra ushqimore, të cilat shpresojm t’i shpërndajm nëpër familjet skamnore të komunës sonë”, ka thënë Llugaliu për llapi.info
Ai ka bërë të ditur se gjatë ditës së djeshme janë shpërndarë 40 pako me gjëra ushqimore për familjet në nevojë. Ndërsa, pjesa tjetër do të shpërndahet nga dita e diel, sepse siç ka thënë ai, xhemati ka vazhduar të sjell ndihma në xhami deri në orët e vona të së premtës.
Ky aktivitet i ndërmarrë nga hoxh Imri Llugaliu dhe xhemati i tij do të vazhdoj deri në festën e bajramit. Por,
ka gjasa që ky aktivitet të vazhdoj edhe pas muajit të shenjtë të ramazanit.
Llugaliu ka lutur Zotin që t’i shpërblejë të gjithë ata që po na bashkangjiten në këtë aktivitet humanitar./llapi.info
