Udhëheqësja e Hong Kongut, Carrie Lam, njoftoi të premten se qeveria do të shtyjë zgjedhjet e parashikuara legjislative për një vit, duke përmendur një përhapje të coronavirusit në qytetin gjysmë-autonom kinez.
Sipas medieve të huaja, përcjell Telegrafi, Qeveria e Hong Kongut po thirret në një rregullore emergjente në shtyrjen e zgjedhjeve.
Dhe Lam tha që qeveria ka mbështetjen e qeverisë kineze në marrjen e vendimit.
“Njoftimi që duhet të bëj sot është vendimi më i vështirë që duhet të marr në shtatë muajt e fundit”, tha Lam në një konferencë shtypi.
“Ne duam të sigurojmë drejtësi, siguri publike dhe shëndet, dhe duhet të sigurohemi që zgjedhjet të mbahen në mënyrë të hapur, të drejtë dhe të paanshme. Ky vendim është pra thelbësor”, citohet të ketë thënë ajo.
Shtyrja është një pengesë për opozitën pro-demokracisë, e cila shpresonte të përfitonte nga zhgënjimi me shumicën aktuale pro-Pekinit.
Një grup prej 22 ligjvënësish lëshuan një deklaratë përpara njoftimit duke akuzuar qeverinë për përdorimin e shpërthimit si një justifikim për të vonuar zgjedhjet.
Ndryshe, qyteti me 7.5 milionë njerëz ka pasur një rritje të infeksioneve me coronavirus që nga fillimi i korrikut.
Hong Kongu ka regjistruar 3,273 infeksione deri të premten, më shumë se dyfishi i raportit më 1 korrik.
