Ballina Sport Aliti i drejtohet tifozëve pas humbjes nga Greqia: Na munguat, por shihemi...

Aliti i drejtohet tifozëve pas humbjes nga Greqia: Na munguat, por shihemi muajin tjetër për të bërë ëndrrën realitet

07/09/2020

Kosova ka pësuar humbjen e parë në edicionin e ri të Ligës së Kombeve.

Dardanët janë mposhtur në Prishtinë me rezultat 1-2 nga Greqia, në një ndeshje ku pati shumë mungesa.

Plot 10 lojtarë i munguan trajnerit Bernard Challandes për këtë takim, ndërsa Kosova bëri një nga paraqitjet më të dobëta deri më tani.

Gjithsesi lojtarët e dëshpëruar e kanë kuptuar se kanë bërë një ndeshje të dobët dhe të gjithë kanë kërkuar falje.

Edhe mbrojtësi Fidan Aliti i është drejtuar tifozëve në Instagram me një mesazh.

Aliti ka theksuar se përkrahja e dardanëve i ka munguar futbollistëve, por thotë se në tetor do të japin maksimumin për ta bërë ëndrrën realitet.

Postimi i plotë i Fidan Alitit:

Të dashur tifozë, e ndjejë obligim t’iu drejtohem të gjithëve pas ndeshjes me Greqinë. E di që kjo ndeshje nuk ishte siç̧ kemi pasur dëshirë si ne lojtarët ashtu edhe ju tifozë̈t. Përfundimisht, përkrahja juaj na mungoi në tribunat e stadiumit, që ishte bosh. Dihet që me ju, Dardanët ne jemi më të fortë. Ne jemi kombëtare e vogël dhe duhet të mësojmë prej këtyre ndeshjeve që na bëjnë më të fortë. Ne po rritemi së bashku dhe shihemi muajin tjetër për ta bërë ëndrrën realitet. Përgjithmonë DARDAN.

View this post on Instagram

Të dashur tifozë, e ndjejë obligim t’iu drejtohem të gjithëve pas ndeshjes me Greqinë. E di që kjo ndeshje nuk ishte siç kemi pasur dëshirë si ne lojtarët ashtu edhe ju tifozët. Përfundimisht, përkrahja juaj na mungoi në tribunat e stadiumit, që ishte bosh. Dihet që me ju, Dardanët ne jemi më të fortë. Ne jemi kombëtare e vogël dhe duhet të mësojmë prej këtyre ndeshjeve që na bëjnë më të fortë. Ne po rritemi së bashku dhe shihemi muajin tjetër për ta bërë ëndrrën realitet. Përgjithmonë DARDAN!🇽🇰

A post shared by Fidan Aliti (@fidanaliti) on Sep 7, 2020 at 5:55am PDT