Një aksident trafiku ka ndodhur sonte rreth orës 21:30 në magjistralen Podujevë – Prishtinë, përkatësisht në fshatin Gllamnik, raporton Llapi.info.
Sipas pamjeve që ka siguruar Llapi.info, shihet se në këtë aksident janë përfshirë një veturë dhe një kamion.
Përveç dëmeve materiale, në këtë përplasje automjetesh nuk raportohet për persona të lënduar.
Ekipet kompetente policore kanë dalë në vendin e ngjarjes për t’i hetuar shkaqet e këtij aksidenti.
Sipas statistikave ditore të PK-së, vetëm dje në nivel vendi kanë ndodhur 46 aksidente trafiku, 1 prej tyre me fatalitet dhe 21 të tjerë me persona të lënduar./Llapi.info
