Instituti Kombëtar i Shëndetësisë Publike në Kosovë ka regjistruar sot edhe 334 raste të reja me koronavirus, pas testimit të 1.621 mostrave, raporton Llapi.info.
Sipas njoftimit të IKSHPK-së, brenda 24 orëve janë raportuar tëtë raste të vdekjes me COVID0-19, derisa numri i viktimave ka arritur në 705.
Siç ka njoftuar Instituti, sot janë konfirmuar 2 raste pozitive me COVID-19 në Komunën e Podujevës. Një rast në qytet dhe një rast në fshatin Halabak.
“Rastet pozitive janë nga komuna Prishtinë 157 raste, komuna Gjilan 37 raste, komuna Pejë 26 raste, komuna Prizren 20 raste, komuna Fushë Kosovë 13 raste, komuna Mitrovicë 13 raste, komuna Gjakovë 8 raste, komuna Obiliq 8 raste, komuna Suharekë 8 raste, komuna Vushtrri 8 raste, komuna Klinë 6 raste, komuna Rahovec 6 raste, komuna Deçan 4 raste, komuna Drenas 3 raste, komuna Novobërdë 3 raste, komuna Ferizaj 2 raste, komuna Kamenicë 2 raste, komuna Lipjan 2 raste, komuna Podujevë 2 raste, komuna Skenderaj 2 raste, komuna Viti 2 raste dhe me nga një rast komunat Kaçanik dhe Malishevë”, thuhet në njoftim.
Sipas njoftimit, gjatë 24 orëve të fundit janë shëruar edhe 81 pacientë ndërsa raste aktive janë 4.562.
Që nga fillimi i pandemisë në Kosovë janë infektuar 20.989 persona, prej të cilëve 705 kanë vdekur, ndërsa 15.722 janë shëruar./Llapi.info
