Ballina Lajmet Vjosa Osmani shërohet nga koronavirusi, kthehet në zyrë pas dy javësh

Vjosa Osmani shërohet nga koronavirusi, kthehet në zyrë pas dy javësh

02/12/2020

Kryetarja e Kuvendit dhe ushtruesja e detyrës së presidentit, Vjosa Osmani ka njoftuar është është shëruar nga koronavirusi.

Osmani ka thënë se sot është rikthyer në zyre pas një izolimi dy javor për shkak të Covid-19.

Osmani ka kërkuar kujdes të shtuar duke thënë se ajo edhe familja e saj kishin fat ta tejkalonin këtë virus, por këtë fat nuk e patën të gjithë të tjerët.

Njoftimi i plotë:

Jam rikthyer në zyre pas një izolimi dyjavor për shkak të virusit Covid-19. Kam bërë thirrje gjithnjë, e tani pas ekperiences time dhe të familjes time me virusin, ju lutem sërish që të bëni kujdes të shtuar e të vazhdueshëm. Tashmë virusi është çdoku. Ne ishim me fat ta luftojmë virusin me sukses, por, fatkeqësisht, ky nuk është fati i të gjithëve.
Covid-19 ka lënë shume familje pa më të dashurit e tyre, i ka rrëmbyer ata padrejtësisht pa pasur mundësinë për të dhënë pershendetjet e fundit.
Derisa bashkëndjejmë me ata që janë goditur më së shumti, inkurajojmë ata që janë në vijën e parë të frontit me virusin, e nderojmë kujtimin e atyre që nuk janë më në mesin tonë, ky fundvit le të na shërbejë për të reflektuar mbi atë se çfarë çmojmë më së shumti në jetë, çka na bashkon, dhe çka na jep motiv të dalim triumfues ndaj këtij armiku të përbashkët. Të vleresojmë e të jemi falenderues për njërëzit që janë në jetët tona, e mënyra më e mirë për t’u dëshmuar dashurinë e respektin në këto kohë është duke mbajtur distancën, pastruar duart, e duke mbajtur maskën.
Të gëzojmë bekimet tona duke treguar kujdes. Duke u kujdesur për veten, kujdesemi edhe për të tjerët.
Prandaj, edhe njëherë: distanca, duart, maska!
Faleminderit!