Shërbimi Spitalor dhe Klinik Universitar i Kosovës (SHSKUK), ka dhënë detaje për vdekjen e 24 vjeçares nga Ferizaj.
Në përgjigjen e tyre për Gazetën Express thuhet se se ajo ishte e konfirmuar me COVID-19 dhe kishte lindur me operacion.
Zyra për media e SHSKUK, ka bërë të ditur se viktima ishte e konfirmuar me COVID-19 dhe kishte lindur me operacion.
“Zyra për medie e ShSKUK-së, ju konfirmon se ditën e djeshme në Mjekimin Intensiv Covid në QKUK, përkundër përpjekjeve maksimale të stafit shëndetësorë, nuk ka arritur të mbijetonte një nënë e lindur më 1997, nga komuna e Ferizajit, e cila ishte e konfirmuar me Covid, e njëjta kishte lindur me operacion në Klinikën e Gjiinekologjisë, në javën 34, tē shtatëzanisë”, thuhet në përgjigjen e tyre.
Sipas kësaj zyre pas lindjes 24 vjeçare i ishte keqësuar gjendja dhe ishte tranferuar në Klinikën Sportive.
“Pas lindjes i ishte keqësuar gjendja dhe ishte transferuar fillimisht në Klinikën Infektive2 ( Sportive), e më pas me datë 4 prill në Mjekimin Intensiv-Covid”.
Viktima sipas njoftimit, më 6 prill ka rezultuar negativ me COVID-19 por nuk arriti të mbijetonte meqë kishte gjendje të rënduar shëndetësore.
“Në ritestim të datës 6 Prill, e njëjta ishte negativizuar në testin për Covid, por përkundër kujdesit maksimal, e njëjta nuk arriti të mbijtetonte meqë kishte gjendje të rënduar shëndetësore”, thuhet në përgjigjen e SHSKUK’së.
