Presidentja Vjosa Osmani ka pritur sot në takim Xhafer Tahirin, zyrtar i LDK’së. Ky i fundit që mban pozitën e kryetarit të Vushtrrisë thotë se i shkoi në vizitë Osmanit për ta uruar për pozitën e re.
“Pata knaqësinë ti uroj Presidentes së Republikës, Dr. Vjosa Osmani, detyrën më të rëndësishme në krye të institucioneve të Kosovës!”, shkroi Tahiri në Facebook.
Ish-kandidatja e LDK’së për kryeministre u zgjodh presidente e Kosovës më fillim të këtij muaji.
Vjosa Osmani, e cila në zgjedhjet e 14 shkurtit garoi për deputete me listën Vetëvendosja, për zgjedhjen e saj Presidente në kuvendin e Kosovës mori 71 vota, nga 82 deputetë sa morën pjesë në votim.
