Rreth orës 15:00 në Shajkofc të Podujevës ka ndodhur një përleshje mes dy palëve, me ç’rast një femër ka marrë lëndime të rënda trupore, raporton llapi.info
Lajmin për portalin llapi.info e ka bërë të ditur Antigona Çitaku- Dibrani, Zyrtare për Informim në Policinë e Rajonit të Podujevës.
Sipas saj, një femër ka qenë duke vozitur automjetin me bashkëshortin e saj kur padashje ka zënë rrugën e automjetit në drejtim të kundërt, me ç’rast vozitësi i automjetit tjetër ka dalur nga vetura dhe ka goditur në kokë me një shufër druri femrën, duke i shkaktuar kështu lëndime të rënda trupore.
Çitaku ka bërë të ditur se i dyshuari mashkull ka ikur nga vendi i ngjarjes, ndërsa viktima femër është duke marrë tretmanin mjekësor.
Në vendin e ngjarjes është gjetur edhe një gëzhoj e plumbit./llapi.info
