Projekti për rregullimin e trotuarit në rrugën Lluzhan-Batllavë në Podujevë parashihte që zhavori të jetë shtresa mbi të cilën do të ndërtohet trotuari, por dheu është ai që e ka “zëvendësuar” zhavorin në këtë rast, raporton llapi.info.
Lajmin për portalin Llapi.info e ka bërë të ditur një lexues i portalit duke dërguar edhe foto nga vendi i ngjarjes.
Në fotot e dërguara nga lexuesi shihet se si dheu është përdorur më shumë sesa zhavori, e që sipas lexuesit një gjë e tillë nuk është e paraparë në projekt.
Lidhur me rrugën Lluzhan-Batllavë, ai ka dërguar edhe disa foto nga pjesa rrugës së asfaltuar, e që sipas tij, kjo rrugë është asfaltuar dy muaj më parë, por për shkak të cilësisë së dobët të asfaltimit është dashur të bëhen ndërhyrje./Llapi.info
