Qindra kavanozë mjaltë u larguan dje nga tregu në 4 lokacione të ndryshme.
6800 kg mjaltë që e kanë vetëm një pronar e pa dokumentacion, u sekuestruan në Ferizaj e Han të Elezit.
Aksionin e filloi policia, e ma pas e mori përsipër Agjencioni i Ushqimit e Veterinarisë, insitucion ky që mori mostrat për analiza.
Malli pa deklaracion që siç mëson Klani, ka dyshime se erdhi nga Maqedonia e Veriut, u bllokua ndërsa bletari i dyshuar për veprën “Tregti e ndaluar”, u vu në pranga.
Megjithatë, dyshimet se mjalta u kontrabandua po i hedh poshtë bashkëpronari që tha se mjalta është e prodhimit vendor, ngase sipas tij, i posedojnë rreth 500 bletë.
