Kryetari i Komisionit për Arsim, Ardian Gola, ka dalë me një propozim për Këshillin Grevist për të zëvendësuar metodën aktuale të grevës me atë të mos vendosjes së notave për nxënësit.
Ky propozim u dha në mbledhjen e sotme të ‘Komisionit për Arsim’ ku të pranishëm ishin edhe anëtarë të Këshillit Grevist.
Ata thanë se këtë opsion do ta paraqesin para antarsisë dhe se ata do të vendosin nëse e pranojnë apo jo.“Gazeta Blic” ka komunikuar me nënkryetarin e SBASHK, Ymer Ymerin, dhe e ka pyetur nëse e kanë shqyrtuar propozimin e Golës.
Ymeri tha se janë kanë përcjellë kryetarin Jasharaj propozimin dhe se sonte në ora 08:00 të mbrëmjes do të kenë një mbledhje të antarsisë.“Pasi kemi dal nga takimi në Komision e kemi njoftuar kryetarin Jasharaj për propozimin që është dhënë dhe kryetari Jasharaj ka kërkuar nga kryetarët e Sindikatave komunale që janë njëherësh edhe kryetarët e Këshillave Grevistë që përmes formave të kryetarëve të Shoqatave Sindikale të shkollave dhe të çerdheve dhe fakulteteve të kërkojnë mendimin e antarsisë për këtë propozim”.
Ai tha se në mbledhje do të marrin pjesë edhe anëtarët e Komisionit për Arsim dhe aty do të marrim përgjigjen nga kryetarët e Sindikatave Komunale për këtë çështje.
“Eshtë ftuar një mbledhje me kryetarët e Sindikatave komunale në ora 8 në mbrëmjes nga distanca në të cilin takim do të marrin pjesë edhe anëtarët e Komisionit për Arsim duke përfshirë dhe kryetarin Gola dhe të shohin nga afër rezultatet të cilat do t’i paraqesin kryetarët nga bisedimet që kanë bërë me antarsinë edhe të binden se çdo herë ne pyesim antarsinë dhe jo ashtu që po interpretohet nga Qeveria se po vendosin një grup i vogel. Ndoshta ata për shkak të mënyrës së shpejtë si i pyesim antarsinë, formës si e kemi komunikimin me ta, munden të mendojnë se nuk i pyesim, por ne te gjitha çështjet i dërgojmë në antarsi dhe si të vendosin antarsia edhe Kryesia e SBASHK bashkë me Këshillim Grevist do t’i propozojmë pastaj Këshillit Qendror Grevist të BSPK-së, nëse ka ndonjë ndryshim rreth këtij qëndrimi të fundit.” tha Ymeri për Gazeta Blic.
Ymer Ymeri, Nënkryetar i SBASHKGreva e Përgjithshme në sektorin publik ka nisur që nga data 25 gusht.
Pavarësisht disa takimeve dhe përpjekjeve për arritjen e një marrëveshje, palët kanë mbetur të vendosur në pozicionet e tyre.
