Janë duke vazhduar punimet për ndërtimin e Urgjencës së Qytetit të Podujevës, shkruan Llapi.info.
Nga afër këto punime i ka përcjellë sot kryetari i kësaj komune, Shpejtim Bulliqi, së bashku me drejtoreshën e Shëndetësisë, Adelina Stubulla
Postimi i plotë i Bulliqit:
Dinamikë e jashtëzakonshme dhe punë cilësore, kështu mund ta përshkruajmë ecurinë e punimeve në ndërtimin e Urgjencës së Qytetit.
Sot me drejtoreshën e Shëndetësisë, Adelina Stublla i kemi përcjellur nga afër punimet e Urgjencës së Qytetit, ku i përgëzuam kompaninë punëkryese për punën që po bëjnë, si dhe ofruam gjithë mbështetjen komunale për realizimin sa më të mbarë të projektit.
Urgjenca e Qytetit do të jetë objekt i kompletuar me pajisjet më moderne shëndetësore, me cilësinë dhe dinamikën e punimeve urgjenca është edhe model për tu ndjekur në planifikimin dhe realizimin si projekt.