Faton Hajrizi – njeriu që u arratis të shtunën për herën e nëntë nga burgjet e Kosovës është shpallur në kërkim nga Policia. I burgosur për vrasjen e ushtarit rus dhe vepra tjera penale, Hajrizi iku nga Burgu i Smrekonicës në orët e mëngjesit të së shtunës me një plan të detajuar.
Faton Hajrizi dyshohet se u arratis gjatë periudhës kohore nga ora 05:00 e mëngjesit deri në orën 07:00.
E i arratisuri Hajrizi, është deklaruar në publik, duke u shfaqur live në “Tik Tok”.
Ai ka treguar për ikjen e tij nga burgu, duke e përmendur si arsye trajtimin jo të duhur ndaj tij – siç pretendon ai – teksa ka theksuar se ndodhet jashtë Kosovës dhe nuk kthehet në burg.
