Policia në Gjilan ka arrestuar një person për “Dhunë në familje” dhe “Armëmbajtje pa leje”.
“Me datën 10.07.2024 njësiti i hetimeve të Stacioni Policor në Partesh gjatë hetimit të një rasti të dhunës në familje, përmes rrugëve operative ka pranuar informacion se i dyshuari M.J. (viti i lindjes 1957, mashkull kosovar) është në posedim të një arme pa leje përkatëse.”
Atij i është gjetur një armë zjarri me një karikator dhe 88 fishekë.
“Me leje të Prokurorit të Shtetit është realizuar kontrolle në shtëpinë dhe objektet përcjellëse të të dyshuarit ku gjatë kontrollit është gjetur dhe konfiskuar në cilësinë e provës materiale për gjykatën një (1) armë zjarri pistoletë M57 me një karikator dhe tetëdhjetë e tetë (88) copë fishekë të kalibrit 7.62mm. I dyshuari është arrestuar dhe intervistuar në bazë të procedurave ligjore.”
I dyshuari është dërguar në mbajtje për 48 orë dhe ndaj tij do të ngrihet kallëzim penal për dy vepra penale.
“Me urdhër të Prokurorit të Shtetit i dyshuari është dërguar në mbajtje për 48 orë dhe ndaj tij do të ngritët kallëzim penal për veprat penale ‘’Dhuna në familje’’ dhe ‘’Mbajtje në pronësi, kontroll të pa autorizuar të armeve dhe municionit’’.”
