Një person është vetëdorëzuar në Policinë e Kosovës, pasi ndaj tij ishte lëshuar urdhërarresti për shkak të veprës penale “Përgatitje e veprave terroriste”.
Burime të Indeksonline bëjnë të ditur se bëhet fjalë për Kushtrim Hoxhën i cili kërkohej për rastin e 9 nëntorit 2016, derisa u dorëzua të hënën në Prishtinë.
Me vendim të prokurorit, i dyshuari është dërguar në mbajtje.
“Prishtinë 09.11.2016. Në lidhje me rastin, më 16.09.2024 është vetëdorëzuar në polici i dyshuari mashkull kosovar, ndaj të cilit ishte lëshuar urdhër arrest nga gjykata. Me vendim të prokurorit, i dyshuari është dërguar në mbajtje”, thuhet në njoftim.
