Personi që u gjet i vdekur në Prishtinë, është djali i vëllait të politikanit Adem Grabovci.
Lajmin e ka bërë të ditur vetë ai, përmes një postimi prekës në llogarinë e tij në Facebook, ku ka njoftuar se i riu që vdiq është djali i Nazmi Grabovcit, djalit të vëllait të tij, i cili ka vdekur në qershor të vitit 2022.
Grabovci ka bërë me dije se varrimi do të bëhet nesër në orën 14:00, në fshatin Saradran të Istogut.
“PASKA EDHE MË VËSHTIRË! POR, DERI KUR, ZOT? Kur më la Nazi im, thash se mu përmbys jeta, e cila më godiste vazhdimisht në mënyra të dhimbshme. E kur ende jemi të thyer shpirtërisht e të pa pajtuar nga humbja e Tij, sot, Loni jonë mbylli sytë, për të na errësuar jetët tona përfundimisht. Duke ndjerë dhimbje të pa përballueshme, ju njoftojë se: Nesër me datë 16.11.2024, ditë e shtunë, në ora 14:00, Aulonit tonë, do i japim LAMTUMIRËN e fundit, në varrezat e fshatit Saradran të Istogut”, ka shkruar Grabovci.
Lidhur me rastin, Policia e Kosovës tashmë ka nisur hetimet.
“HETIM MBI VDEKJEN – Raportohet se është gjetur pa shenja jete viktima mashkull kosovar. Me vendim të prokurorit trupi i pa jetë i viktimës dërgohet në IML për obduksion”, thuhet në raport.
