Në orët e mbrëmjes Kosova u trondit nga një vrasje e rëndë që ndodhi në Kaçanik.
Rreshteri i Policisë së Kosovës, Muhamet Lika u qëllua për vdekje në hyrje të banesës së tij.
Për vrasjen kanë reaguar familjarët e rreshterit, duke thënë se ai u vra para banesës së tij në mënyrë tinzare.
“Jam thellësisht i shokuar dhe ende nuk po mund ta besoj lajmin tragjik për vrasjen e rreshterit Muhamet Lika, stërnipit tim të dashur. Muhameti u vra para banesës së tij, në mënyrë të pabesë. Ai ishte njeri i dashur me të gjithë, i sjellshëm, i matur dhe i përkushtuar në detyrën e tij si polic”, shkruan një nga familjarët e tij në rrjetin social Facebook, raporton Zeri.info.
Ai tha se kjo është një humbje e madhe për familjen, për shoqërinë dhe për vendin.
