Një 87-vjeçar ka ndërruar jetë në QKUK disa ditë pas një aksidenti që ndodhi në rrugën “Taulantia” në Prishtinë.
Aksidenti kishte ndodhur më 13 prill 2025, kur një veturë e tipit BMW, e drejtuar nga një 37-vjeçar, gjatë një lëvizjeje prapa në mënyrë të pasigurt, kishte goditur këmbësorin.
Sinjali mëson se i ndjeri tashmë është Rrahman Hyseni, rreth 87-vjeçar.
Viktima kishte pësuar lëndime të rënda në këmbën e majtë dhe në kokë, për çka ishte dërguar për trajtim në QKUK. Fatkeqësisht, pas disa ditësh në spital, sot ai ndërroi jetë.
Për vdekjen e tij kanë njoftuar edhe familjarët e tij: “Me pikellim te thelle e zemer te thyer ju njoftojme se sot, me date 21.04.2025 pas nje aksidenti trafiku u nda nga jeta bashkeshorti dhe babai yne me i dashur Rrahman Hyseni, Agronom. Me zemer te thyer: bashkeshortja Bedrija, vajzat Nora, Qani, Duna dhe djali Gezimi. Per kohen e varrimit ju njoftojme ne nderkohe.“.
Lidhur me rastin, prokurori kujdestar kishte udhëzuar që i dyshuari të lirohej në procedurë të rregullt, ndërsa me kërkesë të familjes, trupi i pajetë nuk është dërguar për obduksion dhe do të varroset sipas riteve fetare.
Hetimet për këtë aksident me pasojë vdekjen e këmbësorit janë duke vazhduar.
